Proqramlaşdırma kursları

Data Analitika təlimi sıfırdan başlayaraq iştirakçıları real iş mühitinə hazır vəziyyətə gətirən intensiv və praktiki təlim proqramıdır. Bootcamp çərçivəsində Excel ilə data analizi, SQL sorğuları, Power BI ilə dashboard və hesabatların hazırlanması, statistik əsaslar, data vizuallaşdırma prinsipləri və data əsaslı qərarvermə yanaşmaları mərhələli şəkildə öyrədilir. Təlim real biznes dataset-ləri və case study-lər üzərində qurulur və iştirakçılar kursun sonunda Data Analyst və BI Analyst rolları üçün tələb olunan praktiki bacarıqları əldə edirlər.

Ofis proqramları gündəlik işlərin daha sürətli və səmərəli görülməsi üçün istifadə olunan kompüter tətbiqləridir. Bu proqramlara mətn sənədlərinin hazırlanması, cədvəllərin qurulması, təqdimatların yaradılması və elektron məktubların idarə olunması daxildir. Ofis proqramlarını bilmək müasir iş mühitində vacib bacarıqlardan biridir.

DevOps Engineering kursu müasir proqram təminatının hazırlanması və çatdırılması proseslərini sürətləndirmək üçün istifadə olunan əsas DevOps metodologiya və alətlərini praktiki şəkildə öyrədir. Kursda Linux əsasları, Git, CI/CD, Docker, Kubernetes, infrastruktur avtomatlaşdırılması, monitoring və loglama kimi mövzular real ssenarilər üzərində işlənir. Təlim iştirakçılara DevOps mühəndisi kimi işləmək üçün tələb olunan praktiki bacarıqları formalaşdırır və layihə əsaslı yanaşma ilə portfoliaya uyğun nəticə çıxarmağa kömək edir.

Enterprise şəbəkələrini layihələndirmək, qurmaq və nasazlıqları aradan qaldırmaq üçün lazım olan bacarıqlara yiyələnin. Bu kurs kommutasiya, marşrutlama, təhlükəsizlik, virtualizasiya, proqramlaşdırılabilən və proqram təminatı ilə idarə olunan şəbəkələri (SD-Access və SD-WAN overlay dizaynı daxil olmaqla) əhatə edir. Siz EIGRP, OSPF və BGP kimi marşrutlama protokollarını optimallaşdıracaq, enterprise infrastrukturunun təhlükəsizliyini təmin edəcək, sadə Python skriptlər yazacaq və API-lər vasitəsilə şəbəkələri avtomatlaşdıracaqsınız.

Advanced Linux kursu Linux üzrə baza bilikləri olan şəxslər üçün nəzərdə tutulmuş təkmilləşdirilmiş proqramdır. Kurs çərçivəsində sistemin dərin konfiqurasiyası, servis və proseslərin optimallaşdırılması, storage idarəetməsi (LVM, RAID), şəbəkə sazlanması və diaqnostika, təhlükəsizlik (SSH hardening, firewall, SELinux əsasları), performans monitorinqi və real problemlərin həlli (troubleshooting) praktiki laboratoriya məşğələləri ilə öyrədilir. Təlim sistem administratoru və DevOps istiqamətlərində daha yüksək səviyyədə işləmək üçün güclü praktiki baza formalaşdırır.

Linux Foundation kursu Linux əməliyyat sisteminə sıfırdan başlamaq istəyənlər üçün nəzərdə tutulmuş fundamental proqramdır. Kurs çərçivəsində Linux mühiti ilə tanışlıq, terminal komandaları, fayl və qovluq idarəetməsi, istifadəçi və icazələr, paketlərin quraşdırılması, servis və proseslərin əsas idarə edilməsi, şəbəkə anlayışları və ilkin troubleshooting metodları praktiki laboratoriya tapşırıqları ilə öyrədilir. Təlim iştirakçılara RHCSA və daha irəli Linux/SysAdmin istiqamətlərinə keçid üçün güclü baza yaradır.

RHCSA kursu Red Hat Linux mühitində sistem administratorluğu bacarıqlarını praktiki şəkildə inkişaf etdirmək üçün hazırlanmış peşəkar proqramdır. Kurs çərçivəsində istifadəçilər və icazələr, fayl sistemləri, paket idarəetməsi, servis və proseslərin idarəsi, şəbəkə sazlanması, storage, təhlükəsizlik əsasları və troubleshooting kimi mövzular real laboratoriya tapşırıqları ilə öyrədilir. Təlim həm RHCSA imtahanına hazırlıq, həm də real iş mühitində Linux sistemlərinin idarə edilməsi üçün güclü baza yaradır.

IT & Network Foundation kursu IT sahəsinə yeni başlayanlar üçün nəzərdə tutulmuş fundamental proqramdır. Kurs çərçivəsində kompüterin əsas iş prinsipləri, əməliyyat sistemləri, şəbəkə anlayışları, IP ünvanlama, internetin işləmə məntiqi, ilkin təhlükəsizlik vərdişləri və texniki dəstək yanaşmaları öyrədilir. Təlim praktiki tapşırıqlar və real iş mühitinə uyğun nümunələr üzərində qurulur və növbəti mərhələlər (Linux, CCNA, SysAdmin və s.) üçün güclü baza yaradır.

Kids üçün Full-Stack proqramlaşdırma kursu uşaqlara veb sayt və sadə tətbiqlərin necə yaradıldığını əyləncəli və praktik şəkildə öyrədən təlimdir. Kursda uşaqlar frontend və backend anlayışları ilə tanış olur, HTML, CSS və JavaScript vasitəsilə öz səhifələrini hazırlayır, sadə məntiq və proqramlaşdırma düşüncəsini öyrənirlər. Təlim oyun əsaslı tapşırıqlar və vizual nümunələr üzərində qurulur, uşaqlar kursun sonunda öz mini veb layihələrini hazırlayaraq təqdim edirlər. Kurs texnologiyaya marağı artırır, məntiqi düşüncə və yaradıcılığı inkişaf etdirir.

GRC və İT Audit kursu təşkilatlarda informasiya təhlükəsizliyi, risklərin idarə olunması və uyğunluq (compliance) proseslərini anlamaq və tətbiq etmək istəyənlər üçün hazırlanmış praktiki təlim proqramıdır. Kurs çərçivəsində Governance, Risk və Compliance anlayışları, İT nəzarət mexanizmləri, risklərin qiymətləndirilməsi, daxili nəzarət sistemləri, İT audit metodologiyaları, audit planlama və hesabatlaşdırma prosesləri öyrədilir. Təlim real biznes və audit ssenariləri üzərində qurulur və məqsəd iştirakçıların GRC və İT Audit sahəsində analitik və sistemli yanaşma formalaşdırmasıdır.

FortiGate kursu şəbəkə təhlükəsizliyi və firewall idarəetməsi üzrə praktiki təlimdir. Kurs çərçivəsində FortiGate cihazının ilkin qurulması, interface və routing sazlanması, firewall policy-lərin yazılması, NAT, VPN (IPsec/SSL) əsasları, user authentication, security profiles (web filter, application control, antivirus), log və monitorinq, troubleshooting və best practices mövzuları real laboratoriya ssenariləri üzərində öyrədilir. Təlim Network Security və System/Network Administrator istiqamətlərində işləmək istəyənlər üçün güclü praktiki baza yaradır.

CCNA kursu şəbəkə sahəsində peşəkar bilik və praktiki bacarıqlar formalaşdırmaq üçün hazırlanmış proqramdır. Kurs çərçivəsində şəbəkə əsasları, TCP/IP, IP ünvanlama və subnetting, switching və routing məntiqi, VLAN, STP, OSPF əsasları, ACL, NAT, wireless, network security fundamentals və troubleshooting metodları praktiki laboratoriya məşğələləri ilə öyrədilir. Təlim CCNA imtahanına hazırlıqla yanaşı, real iş mühitində network engineer və network administrator rolları üçün tələb olunan bacarıqları inkişaf etdirir.

Data Analitika kursu texniki biliyi olmayan şagirdlərə data analitikasının tam iş axınını — datanın toplanması, təmizlənməsi, analizi, vizuallaşdırılması və nəticələrin təqdim edilməsini — beş modul (Statistika, Excel, SQL, Power BI, Python) üzərindən praktik şəkildə öyrədir. Hər yeni modul əvvəlki modulların biliklərini aktiv təkrar etdirir, nəzəri hissə minimum, praktika maksimum səviyyədə saxlanılır.

PMP təlimi, Layihə İdarəetmə İnstitutu (PMI) tərəfindən təqdim olunan və beynəlxalq səviyyədə ən nüfuzlu layihə idarəetmə sertifikatı hesab edilən PMP imtahanına hazırlaşmaq üçün nəzərdə tutulmuş xüsusi proqramdır. Bu təlim iştirakçılara layihələrin planlaşdırılması, icrası, büdcə və vaxtın idarə edilməsi, risklərin qiymətləndirilməsi və komandanın idarə olunması kimi fundamental metodologiyaları (şəlalə, çevik/agile və hibrid yanaşmalar) öyrədir. Məqsəd, layihələri qlobal standartlara uyğun, uğurla idarə edə bilən peşəkar layihə menecerləri yetişdirməkdir.

VMware vSphere kursu virtualizasiya mühitlərinin qurulması və idarə edilməsi üzrə praktiki proqramdır. Kurs çərçivəsində ESXi host-ların quraşdırılması və konfiqurasiyası, vCenter ilə idarəetmə, virtual maşınların yaradılması və idarəsi, storage və networking əsasları, resurs planlaması, snapshot/clone əməliyyatları, backup yanaşmaları və yüksək əlçatanlıq (HA) anlayışları real laboratoriya tapşırıqları ilə öyrədilir. Təlim korporativ IT mühitində virtual infrastrukturla işləmək istəyən sistem administratorları və IT mütəxəssisləri üçün güclü baza yaradır.

Java SE & Microservices kursu Java ilə backend proqramlaşdırmaya başlamaq və microservice arxitekturası ilə real layihələr hazırlamaq istəyənlər üçün praktiki proqramdır. Kursda Java SE əsasları (OOP, collections, exceptions), SOLID prinsipləri, clean code yanaşması, SQL və ORM (JPA/Hibernate), REST API hazırlanması, Spring Boot əsasları, microservice konseptləri, configuration, service-to-service kommunikasiya, basic security və deployment yanaşmaları öyrədilir. Təlim layihə əsaslıdır: iştirakçılar real backend servis qurur, API-lər yazır və portfoliaya uyğun nəticə əldə edirlər.